2009年1月22日星期四

越浦越開心 - 越南Saigon I

經濟差真係賤物鬥窮人,最近D機票成日做特價,加上油價跌左,好多航空公司都紛紛減燃油附加費,其實D石油都跌左好多啦,仲平過未實施徵收燃油附加費既時候,都唔知點解仲繼續要收囉,大陸就做得0岩呢,減左兩次就完全取消晒燃油附加費,乾淨利落唔似得一眾國際航空公司,次次減少少應酬大家囉!適逢農曆新年前夕,有朋友發現左個UA 特價胡志明市三日兩夜套票,最遲1月22號飛,機票連兩夜3星酒店都只係$1240+稅+燃油費,單買機票亦只須$1100,屈指一算,只須請3日假就可以駁埋放成10日,又係Long Vacation既大好機會喎,不過向眾多親友既勸予底下,聽講越南係好悶既,千祈千祈唔好去晒10日喎,睇完本travel guide book睇落又好似真係齋左少少,既然係咁就一如行過少少去埋柬埔寨睇吳哥窟啦!反正1-2月係當地既最佳旅遊季節,用咁平既價錢向最適合既season 一遊真係抵到爛,第一時間搵腳,吳哥果然有號召力,短短幾日時間就聚集到十個八個團友一齊出發,勁今次真係人強馬又壯喇!
第一站 越南 – 胡志明市
此行對越南冇乜特別祈望,淨係想去食好味既越南餐,事關上次睇蔡瀾逛菜欄有集去胡志明市掃食,非常羨慕!雖則話越南冇乜好玩,咁向哩到3日點都唔可以齋食既,除左搵天下第一Pho "牛肉粉"之外,其實都有幾個景點去下既!
聖母教堂 (免費)– 冇特色既必遊景點!


中央郵政局 Post Office (免費)–冇景點到竟然連郵局都唔放過,真係呀!


胡志明市政府大樓 – 前面個公園仔,擺放左胡志明個雕像!


越南市立歌劇院 Opera House – 齋向門口影相冇入去參觀,唔知有冇Miss Saigon 做哩!

War Crimes museum 戰爭博物館 (US$ 3/人) – 係紀念當年打越戰既一段血淚史,雖然向越南好多地方都興收美金,但係哩個地方個人認為比較特殊,唔應該收美金囉!等同當年捉到撒達母時發現佢身上有一大箱美金一樣,感覺有D諷刺囉!