2009年6月30日星期二

情迷法蘭西 - 普羅旺斯 Gordes & Roussillon

普羅旺斯 La Provence - Gordes & Roussillon
泥南法既最主要目的,當然就係睇花啦!一睇薰衣草二睇太陽花即係向日葵,其實整個普羅旺斯地區都有好多花田,但係好多都向山區,唔開車都幾難搵,上網搵過資料發現原來有好多本地遊,一日半日都有,價錢都差唔多啦,反正租架自動波車都唔平架,仲未計油費同保險,一日起碼成百蚊歐羅,計過條數我地三個人都係跟團抵d。我地參加左個半日團,主角係睇薰衣草,再會去埋兩個小鎮Gordes & Roussillon,早上9點向酒店接我地,除左我地三個就只有一對國內既情侶,仲要坐7座位Benz添,每位收費€40,有火車証仲有9折,即係€36,係咪抵先!從Avignon出發去Gordes,沿路上已經見到好多果園,蘋果、Olive、桃、梨乜都有,仲有Vineyard添!大約40分鐘車,終於搵到一大片薰衣草田喇,超興奮第一時間落車搵位影相!隔離對情侶仲勁,個男第一時間搵位求婚!恭喜恭喜!





Gordes
被例為 One of the most beautiful village of France,其實最靚唔係只得一個既咩,點係會話one of呢?Anyway,哩到依山以上,襯住藍天白雲又真係好靚既!其實哩到仲有個幾出名既修道院既Sénanque Abbey,事關院前有一大片薰衣草田,好多人鍾意向個到攞景,不過我地今次就去唔到喇!但哩片薰衣草田仲大啦! Gordes係一個山城,唔揸車都有唔揸車既好處,山路好多都好窄,又要睇景又要搵路又要避車,都唔係咁爽咋!兩年前Canon就搵左那些年既柯震東泥哩到拍輯DC廣告喇!


Roussillon
哩個位於Luberon既紅色城市仲靚,佢既紅色係出自天然既物質"ochre",襯上藍天白雲,紫色既薰衣草真係超靚!隨便點影都係沙龍囉!



上一篇:情迷法蘭西 - 普羅旺斯 Arles & Orange
下一篇:情迷法蘭西 - 普羅旺斯 La Provence IV

2009年6月29日星期一

情迷法蘭西 - 普羅旺斯 Arles & Orange

普羅旺斯 La Provence - Arles & Orange
原來法國南部有咁多羅馬式既建築物,哩個城市查實都好相似,重要景點都係以羆馬競技場同劇場為主。
Arles
哩個城市咁出名係因為Van Gogh向到住過一排,有好多佢既畫都係取材自哩到既實景,當然好多地方都已經面目全非啦!從Avignon坐ter去Arles,車程只需20分鐘左右,拎住張火車証就上得車架喇!
Amphitheatre 羅馬圓形劇場

Le Theatre Antique 古羅馬劇院


Amedee-Pichot Fountain

La Place de la republique

Hotel de Ville

Orange
哩個鎮仔其實冇乜特別,只係見佢個名咁有趣先泥行下咋!從Avignon坐ter過泥好近,只需15分鐘就到喇!哩到又有個好大既羅馬劇場,去既時候佢地裝修緊,聽講佢地定期會向哩到舉行各類文化表演,其實咁做都幾好呀古為今用,活化石呀麻!




上一篇:情迷法蘭西 - 普羅旺斯(阿維農) Avignon下一篇:情迷法蘭西 - 普羅旺斯 Gordes & Roussillon

2009年6月28日星期日

情迷法蘭西 - 普羅旺斯(阿維農) Avignon

第三站 普羅旺斯 阿維農 Avignon
經過3日泥既自殺式行程之後,終於到左哩個Trip既戲肉,正式出發去南法普羅旺斯地區,哩區所屬城市鄉鎮有好多,唔係處處都有火車到,所以唔開車其實都有d麻煩,當然南法既旅遊業發展左咁耐,自不然有大把Choice俾各類型旅客啦!為免周車勞頓,我地選定以阿維農 Avignon作跟據地,再作輻射式day trip,果然哩個方法管用,仲可以順便洗下衫添!
Avignon 阿維農
從巴黎坐TGV到Avignon車程約3小時,用火証既記得預早兩日訂位。Avignon既TGV車站位於市區外,所以到抵後仲要轉坐巴士入城,Avignon ville站非常近市中心向正古城牆外圍,坐其他local train (ter)或者巴士 (Autobus) 都可以向哩到上落車。今次揀既酒店Hotel Danieli原來好方便,落左車沿大路一直行大約10分鐘就到,每晚房租為€81/3人房。Avignon哩個鎮仔話細唔細啦,比起其他普羅旺斯城市泥講都算大架喇,同埋都算幾靚幾好住既!哩到既重點旅遊點有兩個:Palais des Papes 教皇宮,Pont St Benezet 聖班納齊橋。加埋其餘幾個景點,被列入世界文化遺產系列。
Le Palais des Papes 教皇宮
* Avignon地方細細竟然會有咁大座教堂,原來哩座唔係普通教堂泥,而係教宗宮相等如今日梵蒂崗,所以起得咁宏偉!


Place de l'Horloge 鐘塔廣場
* 位於教皇宮前既廣場,係每年7月舉行既阿維農節主要表演場地。

Le Pont St Benezet 聖班納齊橋
* 既然教庭向到,自不然有好多人泥朝聖啦,所以咪起左哩條橋囉!不過經歷戰亂同洪水終於斷開左喇!

Rocher des Doms 岩石公園
* 建於山上可欣賞整條聖班納齊橋

其他景點 :



Avignon既旅遊景點,其實玩一天就夠,想再豐富D行程既話,我就選擇左坐坐旅遊小火車 €7,同埋Rhone Cruise €8 (可睇到斷橋的另一邊如上圖),實行泥個上山下海遊玩盡海陸空啦!


上一篇:情迷法蘭西 - 聖米歇爾山 Mont Saint Michel下一篇:情迷法蘭西 - 普羅旺斯 Arles & Orange

2009年6月27日星期六

情迷法蘭西 - 聖米歇爾山 Mont Saint Michel

第二站 聖米歇爾山 Mont Saint Michel
從巴黎去Mont Saint Michel方法唔多,一係自己開車一係坐火車,跟團另計,我地當然就係選擇火車啦!由於第2日就要上島,所以未出發就已經向香港訂定位坐TGV,起碼預早5日前留位,因為一日只得3班車去,錯過左就駁唔到巴士去島架喇!巴黎有好多個火車站,去西部既就要去Gare Montparnasse坐車,如果冇火車證既話,就要成€60一程,去一回都真係唔便宜架!其實去Mont Saint Michel有兩條路,一係經St Malo一係經Rennes,我向網上查到經Rennes既巴士接駁路線比較清楚,所以選揀從Rennes入,坐完個幾鐘車去到Rennes,仲要轉巴士再坐多個半鐘先去到聖島,就算坐最早一班火車去到都成12點幾1點,回程最後一班車係5點幾6點,所以一天往返都幾趕,不過老實講個島唔大,齋行幾粒鐘查實好足夠,不過就欣賞唔到日落美景同埋潮汐漲退既景色喇!由於近年起左條路通向島,所以旅客多左好多,變成旅遊區物價自然爆升,島上既酒店真係幾貴,一晚最少二百歐羅,所以大部份人會住向島外大馬路旁既旅館,價錢最少平一半,不過就要行成半個鐘先去到個島啦!向經濟效益角度泥睇,個人認為抵好多囉!
*晴天
*陰天
*Magic景

*其實全個島既重點係一座修道院Abbey €8.5,位於島既最頂,亦佔全島大約7成地方,點解d人覺得佢靚,相信係因為離遠睇哩個小島真係好似一個西方傳說中既古堡咁樣,有條飛龍圍住個島個款呢!實在俾人太多幻想空間喇!抵佢成為世界文化遺產啦!


*雖然唔係農曆十五,但係潮漲都幾勁架!你睇潮退同潮漲既差別幾大就知啦!


*哩間la Mere Poulard係全島最出名既餐廳旅館,佢既招牌omelette聽講好有名氣,好唔好食我唔知,淨係知佢好貴!

一個煎蛋套餐就要45蚊歐羅,嘩!太過份喇!好在佢地都好慷慨,唔幫襯都有煎蛋表演睇,叫做為哩個小島增添一項少少既娛樂啦!



上一篇:情迷法蘭西 - 巴黎 Paris III
下一篇:情迷法蘭西 - 普羅旺斯(阿維農) Avignon

2009年6月26日星期五

情迷法蘭西 - 巴黎 Paris III

除左基本景點之外,巴黎食買玩何止咁少呢!仲有好多特色街道一樣咁好行架!
Champs Elysees 香榭麗舍大道
法國地標凱旋門對出既一條街道,就係世界知名香榭麗舍大道,哩條街睇怕都唔多使講啦!正所謂『買LV呀!快D泥Champs Elysees啦!』哩條街有成4個地鐵站,重點行又得,街頭行到街尾又得!短過香港條彌敦道架咋!

哩條街咁出名,食買玩當然一應俱全啦,今次竟然俾我發現左Lido 麗都夜總會有特價飛賣,€45位當然要去見識下啦,記得上次跟團自費活動要多收€160架,今次幾十蚊俾佢啦!好唔好睇呀!?都ok既,厲害之處唔係在於佢地D舞衣有幾少布,而係個舞台D機關有幾咁勁,真係估佢唔到,點解個檯咁細會轉到咁多花臣出泥既!精彩!


Rue du Faubourg Saint-Honore 名牌總會
要買各大名牌貨梗係要泥哩條街啦,除左LV之外,乜大牌都有,人又唔多,條街話長唔長話短唔短啦,行幾耐就好睇人既!哈哈. . .我就行左半粒鐘咋!齋Window Shopping好夠啦!Chanel總店都向附近!

Marche Bastille 巴士底市集
淨係星期四&六6am - 2pm先開檔,乜都有得賣好似花園街咁囉,本來以為會好旺好多野賣,去到發覺有d流,少少失望囉!


Saint Germain des Pres 拉丁區
位於塞納河左岸,有多間著名Cafe,係近百年泥法國知識分子藝術家聚集的聖地。當中Les Deux Magots & Cafe de Flore最有名,就連海明威、Coco Chanel都曾經係常客,要感受一下就記得早D攞位喇,事關露天茶座既座位特別搶手架。


Rue de Buci 巴黎食街
位於Saint Germain區既哩條街,真係超熱鬧,食肆臨立,餐廳裡裡內內都坐滿客人,非常好氣氛,旺過星期五晚老蘭好多架!
*假如繼續排開咁坐就變奇景喇!

巴黎就算唔shopping齋行幾日都行唔完,行街行到鬼咁攰,不如落船抖抖啦,休息之餘又可繼續觀光,幾寫意呢!遊船線路主要係沿住塞納河兩岸觀光,大多以鐵塔為起點,沿左右兩岸遊一圈,需時大約一個鐘左右,分兩種一種係沿途有景點介紹既觀光船,俾得起錢仲有飯食添,另一種係站站停但冇人講介既巴士船Batobus,以唔食飯計價錢都差唔多不過後者係day pass,好似抵D,事關可以逐個站觀光,再上番船,慳左腳骨力又慳埋車錢。唉,向巴黎坐地鐵真係好難頂架,冇冷氣人又多,無論春夏秋冬去都係咁辛苦,焗到暈低!



2009年6月25日星期四

情迷法蘭西 - 巴黎 Paris II

齋係巴黎一到已經夠講幾日,真係好多野睇,要歷史有歷史要現代有現代,文化有商業有美食精品,各式其式!
Notre Dame 巴黎聖母院
*如果唔係小說鐘樓駝俠咁出名,都唔識哩座巴黎聖母院啦!其實原著直頭叫做巴黎聖母院 - Notre-Dame de Paris,出自法國大文豪Victor Hugo。




Moulin Rouge 紅磨坊
*位於蒙馬特紅燈區既一座歷史尢久既夜總會,今日已經變成高檔消費場所喇!

Sacre Coeur 聖心教堂
*沿住紅燈區一路向山上走,就係雪白既聖心教堂,藍天白雲再襯青草地,令人心境變得寧靜平和。



Au Lapin Agile 狡兔之家
*哩間老餐廳其實冇乜特別,只係話說當年畢卡索未出名前,經常泥哩到以畫換餐,哩位老闆認真唔話得!