2009年7月3日星期五

情迷法蘭西 - 尼斯 Nice

Nice 尼斯
向馬賽留左唔夠一日就拿拿臨過Nice,坐ter火車大約二個鐘左右,當然用火車証又係唔使訂位同俾錢啦!同埋每日往返班次都好多!我地向Nice住既酒店向正步行街Rue Massena,去海灘同大部份景點都好近行幾分鐘就到,查實從火車站行過泥都唔算遠,大約行半個鐘啦,當然最醒就係搭電車,3分鐘唔使就到 Massena 廣場。雖然話我地住正向步行街,但係一D都聽唔到下面噪喎,(同尖沙咀諾士佛臺差唔多啦,不過條街闊落好多,乾淨好多),房間都四正可惜酒店冇笠,要抬行李上房真係人都癲,唯有求救大帳櫃幫忙!
Place Massena
*有間老佛爺百貨,不過冇乜野睇,夜晚有街頭表演,都可以打發下時間既!反而Rue Massena 步行街最熱鬧,最街都係餐廳各式其式,開飯泥哩到最好!


Promenade des Anglais 英國人散步大道
*其實就係臨海既海濱長廊,吹住海風慢步都幾舒服架!


Baie des Anges 天使灣
*英國人散步大道睇出就係天使灣,海岸線都好長,不過有D窄喇,仲要係石灘泥,都唔明D人點可以向處游水既!齋晒都還可以既!

Cours Saleya 花卉市場
*每天早上都有市集,主要賣鮮花、水果同一些精品,水果真係好新鮮!

糖果泥咋!


上一篇:情迷法蘭西 - 馬賽 Marseille下一篇:情迷法蘭西 - 蔚藍海岸 Grasse & Eze