2010年3月29日星期一

春日櫻紅大會 - 大阪 Osaka III

今日頭炮去左日清杯麵發明館參觀,好在唔使入場費,唔係一定會呻笨囉!當日發現好多日本小朋友晨早去排隊(等1小時)整私家麵囉!餡料仲可以自選,每杯收費300円,我地當然唔會Sign時間做d咁野啦!哈哈



之後見大阪周遊卡去天滿宮免入場費,就去左一轉攝時間,寺廟本身就冇乜特別,但係裡面既日式庭園就真係幾靚,仲有櫻花睇,人又唔多好正呀!


出左地鐵行左好耐,終於離遠見到大阪城個身映喇,又係老規矩啦,由一百米前影到入去呀麻!諗落都幾無聊囉!哈哈進入大阪城景區前,先係經過日本造幣局,當然冇預約係唔入得去啦,其實我地主要係想去睇造幣局附近臨河既櫻花隧道咋,如果遲多十日八日先泥,等D櫻花再開得盡D一定會更靚囉!



朝住大阪城方去一直行,終於去到門口,憑周遊卡又係免費入場,仲免費搭小火車圍城一遊添!




行完大阪城差唔多五點幾,再轉去下一個免費景點新梅田city空中庭園展望台,0岩0岩又係magic moment時段,可惜當日實在太大風太凍,就算用腳架都好凍囉!



完成今日最後一個景點又係食飯既時候,今日咁人齊就去左茶屋町風風亭食炭火燒肉放題,任食120分鐘,每位2604円,柴娃娃食放題特別開心盡興, CHEERS!