2010年7月7日星期三

俄羅斯狂熱 - Other Delicacies

叫做食過幾餐既俄羅斯菜,終於死心,決定食番意粉薄餅甚至Kebab穩陣D!差D唔記得講熱狗車添,哩個牌子既熱狗車係連繫既,周圍都有,當午餐一流!


意大利菜都有平既中價既選擇,平既有(Сбарро) sbarro 連繫快餐店,飯堂式運作食乜夾乜,按重量計錢,公平免浪費,每餐約250 rouble。味道靠得住!位於Red Square哩間分店,想借厠所唔該幫襯買D野先,憑收據按密碼開門。 



另一間中價既意大利餐廳叫 MaMa Roma,又係連繫式經營,有人招呼架,價錢都合理,每人每餐約350 rouble。



各位如果想飲咖啡架喎,就要認住哩個俄文(KO中E)或者(Ka中E)即解作Cafe!飲咖啡就去搵(中E)喇!

Yaroslavlsky 火車站外特別熱鬧,有好多餐廳同小食店,學我地咁買番個Kebab上火車開餐,既省時又美味!每個都係80 rouble左右咋!

如果打算去Vernisazh Market既話,就要食番串燒羊扒配大餅先得喇,個人認為係新彊風味亦有可能係土耳其,好味惹味正!食左咁多餐俄菜,今餐最醒神!


~ 最終回 ~